Berlusconi deixará o gubierno quan s’enceten os achustes en Italia

L'encara primer ministro ha rechirau os votos en o parlament ta descubrir a os "traidors"

Berlusconi en a tuca d'o G-8

Berlusconi en a tuca d'o G-8

O primer ministro italián, Silvio Berlusconi, meterá o suyo cargo a la disposición d’o president d’a Republica d’Italia, Giorgio Napolitano, una vez que s’apreben as primeras reformas economicas dexichidas por a Unión Europeya.

Por meyo d’un comunicau de prensa, a Presidencia d’a Republica italiana ha informau d’o conteniu d’a reunión celebrada iste martes en Roma entre Napolitano y Berlusconi, dimpués que o primer ministro tresbatise a mayoría absoluta en a Camara Baixa iste mesmo martes.

Os 308 votos a favor, garra en contra y 1 abstención han feito posible que o Gubierno de Berlusconi aprebase as cuentas de l’anyo pasau. Pero l’han mancau 8 votos ta aprebar qualsiquier iniciativa en a suya lechislatura. Berlusconi ha comprebau os votos ta conoixer o nombre y d’os “traidors” seguntes informa, por eixemplo, RTVE.

A prima de risgo d’Italia, o diferencial que mide a rentabilidat extra que ha de pagar por os suyos titols a 10 anyos, en rilación a os alemans d’o mesmo plazo, ha plegau dica os 500 puntos basicos, o suyo maximo historico y a suya rentabilidat s’ha situau en o 6,75%, muit proxima a o 7% que os analistas consideran como punto de no tornada. En tot caso, os analistas europeyos creyen que Italia ye masiau graniza ta ser rescatada, encara que podria amenistar aduyas puntuals d’o fundo de rescate europeyo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.