Biarche acullirá as quartenas chornadas d’o Ret de Simients d’Aragón

Con o titol "Simients y tradicions de Guara" se celebrarán as quartenas chornadas d'o Ret de Simients d'Aragón, d'o 18 dica o 20 d'octubre en Biarche

Cartel-Bierge-red-semillas-213x300O Ret de Simients d’Aragón viachará a traviés d’as suyas quartenas chornadas por os distintos territorios “ta conoixer y reconoixer as suyas realidatz, ta desfrutar y revalorizar a suya biodiversidat y, prou que, ta dar fuerza y empento a o camín en a recuperación d’o nuestro”. Istas chornadas se realizarán o cabo de semana venient -d’o 18 a o 20 d’octubre-, en Biarche (comarca Semontano de Balbastro), en a Sierra de Guara.

Mientres as chornadas i habrá exposición y intercambio de simients. O sabado se desembolicará un taller infantil ‘Chugando con a biodiversidat’. Dimpués se celebrará una charrada en que se charrará sobre o estau ‘d’a conservación d’especies horticolas’, a o que seguirá una mesa redonda sobre ‘Experiencias y tradicions antigas de Guara’. Ya de tardes, i habrá un taller sobre selección, extracción y conservación de simients, y una nueva charrada, ‘L’uso d’as plantas silvestres d’a zona’.

T’o domingo s’ha previsto una visita a una torre con oliveras de variedatz tradicionals y a un molín d’aceite. As chornadas finalizarán con un socalce con taste de chodigas.

A participación en as distintas actividatz d’as chornadas ye libre y gratuita, fueras d’as chentas que tienen un pre de 8 euros, que aduyará a financiar as chornadas. A organización no s’encarga d’a reserva de l’aloix, simplament facilita os datos de contacto d’os distintos aloixes disponibles en Biarche, que puetz trobar en o diptico. Ta reservar plato t’a chenta y/u a cena cal ninviar un correu con os datos personals y o numero de comensals u emplir o formulario d’inscripción que ye en a web -calendata limite: 14 d’octubre-. Qualsiquier dubda, proposa u comentario se puede fer ninviando un correu electronico a redsemillasaragon@gmail.com.

Fuent: http://arainfo.org/2013/10/bierge-acogera-las-cuartas-jornadas-de-la-red-de-semillas-de-aragon/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.