“Bicifestación” por o vico de Torrero o domingo 27

Prencipiará a las 11:30 en a Plaza d'as Canteras y marchará por tot lo vico.

cartel d'a bicifestacion

cartel d'a bicifestacion

L’asociación de vecins Venecia-Torrero-La Paz, El Cantero, Pedalea y l’AMPA Saínz de Varanda han convocau una bicifestación (una manifestación en bici) o venient domingo 27 de noviembre. Con iste acto quieren demandar un carril bici dende o vico dica lo centro d’a ciudat y que no sigan amarguinaus en o servicio municipal bizi.

As quatre organizacions han quiesto remerar a tradición ciclista que bi ha habiu en o vico dende fa muitas anyadas. Dende o velodromo d’as anyadas 20, una contrarreloch d’a Cursa Ciclista a Espanya que i pasó en 1982, as corridas de bici en as fiestas d’o vico u lo nuevo velodromo costruyiu gracias a José Antonio Romero y o Club Ciclista Torrero.

A demanda d’amilloras la concretan con un carril bici dende Torrero dica Plaza Espanya y con quatre estacions de bizi que quieren que se metan en a Plaza d’a Memoria, chunto a lo Puent d’America, en o Parque d’a Paz y en a rotonda d’a carrera Zafiro. Tamién demandan a lo concello que cusire as condicions de treballo de a plantilla de Bizi ta que sigan respetaus y amilloraus.

 

 

Fuent: http://www.diagonalperiodico.net/aragon/Bicifestacion-por-Torrero.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.