Biella Nuei presenta en Zaragoza o suyo nuevo disco

O nuevo disco lo han mercau más de 200 personas antis de salir t'a venda, qui apareixen en os creditos apadrinando-lo.

cartelIste chueves a las 19:30 en o Centro Civico Universidat de Zaragoza, Biella Nuei ferá la presentación d’o suyo nuevo disco “Biella Nuei & La Santa Pereza”. O disco se i entregará a los más de 200 Padrinos y Madrinas que pagoron por adelantau. Os cient primers, antimás, consiguioron una dedicatoria especial y totz han apareixiu en o libreto. O disco se podrá mercar por 10 euros dica iste chueves, puyando lo pre a 15 a partir d’o cabo de semana.

O disco tien 13 cantas y un libreto con fotos de Ricardo Duerto y collages y disenyo de Juan Dos Cuartos. A suya mosica ye folk aragonés con influyencias latinoamericanas y d’o Magreb. Bi ha temas tradicionals a on que se mezcla la melodía orichinal con letras nuevas, improvisacions y ritmos de ida y tornada  (SanjuanadasYa raya el albaRamplamplánSol dorado son); atros temas son compuestos a partir de ritmos y estilos populars, adedicaus a la desobediencia (Santa Pereza), a las mais d’a Plaza de Mayo (Bicho Malo), a lo placer d’o ritmo y o baile (Sabroso Son), a las pasions ixublidada (No te enteras) u a la revuelta que cal (Caballos y margaritas). Bi ha tamién dos temas en aragonés, sobre a nostalchia y a dificil vida en os lugars chicotz  (AlacayChan de Mingorra), y atros dos que mezclan flok y rap (Tanto fuego y Vaivén).

Una rispuesta a Biella Nuei presenta en Zaragoza o suyo nuevo disco

  1. Pingback: Biella Nuei presenta en Zaragoza o suyo nuevo disco | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.