Bielsa prepara o suyo carnaval

A celebración d'ista fiesta pagana escomencipiará iste chueves con a confección de Cornelio y rematará o domingo con crema d'iste.

A tranga ye un d'os personaches d'o carnaval de Bielsa. (Foto: Biquipedia)

O carnaval de Bielsa ye un d’os millors y más representativos d’os carnavals que se conservan en Aragón, por a pervivencia d’os suyos personaches y os rituals propios d’a fiesta pagana de carnaval. Os elementos d’o Carnaval de Bielsa son a figuras d’os onsos, as trangas, as madamas, l’amontato, o ser liedra, o caballet y Cornelio.

Totz os personaches recorren as carreras, as trangas van a escar a las madamas y chunto con os mosicos que tanyen fan a ronda de carnaval achuntando-se en a plaza y fendo momos y

L'onso y o domador (Foto: wikipedia)

dica bien entrada a nueit. As trangas y os onsos no s’aduben d’enrestir a la chent y afocinar a os turistas y más que mas a las mullers como parte propia d’o ritual de carnaval que implica a inversión de l’orden cutiano, a vulneración d’as normas socials y a sexualidat ubierta y batalera enfilada a la fertilidat y l’arrivo d’a primavera.

L'amontato y o caballet por as carreras de Bielsa (Foto: wikipedia)

 

 

Os carnavals prencipian iste chueves con una costillada en a plaza d’o lugar y a confección de Cornelio y presentación en sociedat. O viernes se ferá un atra costillada y un baile en o Salón Social. O sabado y o domingo a las 17:00 horas bi habrá una ronda por as carreras d’o lugar en a que apareixerán os personaches más característicos d’iste carnaval.

En rematar a ronda, se celebrará un baile en a plaza, reparto de torta y poncho. A las 20:00 horas bi habrá una sesión de baile en o salón social. O domingo en rematar o baile se celebrará o chuicio y a crema de Cornelio.

Fuent: http://www.bielsa.com/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.