Bieras artesanas de tot lo mundo se troban iste cabo de semana en Birragoza

Mientres dos diyas se podrán tastar más de vinte bieras feitas de traza artesanal en a ista feria que ferá a suya segunda edición en Zaragoza.

cartelDimpués d’o gran exito d’a edición pasada, Birragoza, o festival  de bieras artesanas de Zaragoza, torna a celebrar-se os diyas 24 y 25 en a Plaza Sant Agustín d’a ciudat. Como l’anyo pasau, a on que mesmo a beluns d’os productors se les acotoló toda la biera, s’aspera que arrienda personas visiten a feria en ixos dos diyas.

Entre os participants, se troba una graniza representación d’as bieras artesanas d’o país, como Populus, Gisberga, Ordio Minero u Lupulus, antimás de atras plegadas dende Castiella, Catalunya, Escocia, EE.UU, Valencia, Belchica, Alemanya u Holanda. Mientres os dos diyas se ferán tallers a on que se charrará sobre o proceso productivo d’a biera artesanal y se tastarán os resultaus suyos.

En o festival tamién i culle a mosica aragonesa que será present mientres o cabo de semana. Majama y Cachirulos XXL presentarán a suya mosica o viernes, entre que Amigos de la Tierra lo ferá o sabado. A colla de gaiters Gordobordón animará tamién tot lo sabado con a suya mosica tradicional.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.