Bolivia demanda en as Nacions Unidas respeto t’o gubierno constitucional de Venezuela

O vicepresident boliviano amostró lo suyo refús a las "collas violentas que de trazas ilegals y anticonstitucionals enristen as institucions democráticas”

Foto: Radio ONU

Foto: Radio ONU

O vicepresident de Bolivia, Álvaro García Linera, expresó iste martes o refirme d’o suyo país a lo Gubierno de Venezuela. García describió la posición de La Paz sobre o que ye pasando en Venezuela mientres una coferencia de prensa en a ONU, a on que estió de visita en chestions relacionadas con a presidencia d’a Colla d’os 77 más China, que iste anyo tien o suyo país.

“A nuestra posición ye bien clara: respeto de tot y intrencable a lo gubierno democratico, legal y constitucionalment esleixiu; refús a las collas violentas que de trazas ilegals y anticonstitucionals enristen y esconoixen as institucions democraticas venezolanas: en tercer puesto, refús a qualsiquier mena d’intervención forana en os afers politicos internos d’a Republica de Venezuela y quarto, son os venezolanos qui han d’apanyar os suyos afers internos”, dició lo vicepresident.

Mientres a suya presencia en a siede de l’Organismo mundial, l’alto cargo boliviano tenió una reunión con o Secretario Cheneral d’a ONU y estió en una trobada d’o G-77 más China.

García describió a los embaxadors d’ista colla, como se ye parando a ciudat boliviana de Santa Cruz t’acullir una cumbre, convocada por o president boliviano, Evo Morales, t’o 14 y 15 de chunio, con a enchaquia d’o 50 cabo d’anyo d’a fundación d’ixe bloque.

 

Fuent: http://www.cronicadearagon.es/wordpress/?p=47972

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.