Bolivia reconoixe y proteche por lei todas as suyas luengas propias

O gubierno boliviano protecherá totz os idiomas indichenas que se fablan en Bolivia. Os bolivianos y bolivianas podrán recibir educación en a suya luenga materna

Evo Morales en Sucre. Fuent: Gubierno de Bolivia

O gubierno de Bolivia ha dau un trango enta debant ta protecher a suya cultura en aprebar a Lei Cheneral de Dreitos y Politicas Lingüisticas, que estió promulgada por o president boliviano, Evo Morales o pasau 2 d’agosto en Sucre en o Diya d’a Revolución Agraria y Comunitaria. Ista lei ye destinada a “reconoixer, protecher, promover, espardir, desembolicar y regular os dreitos lingüisticos individuals y colectivos” d’os habitants de Bolivia, seguntes explicó Roberto Aguilar, ministro d’Educación boliviano.

A lei pretende recuperar y reviscolar as luengas oficials en periglo d’acotolar-se. En Bolivia son luengas oficials o castellano asinas como atras 36 luengas propias d’as esferents nacions indichenas d’o país, as mas importants o quechua, l’aimara y o guaraní. A ciudadanalla boliviana tendrá dreito a fer servir a suya luenga materna de forma oral y escrita, asinas como recibir educación en a suya luenga propia, tener o suyo nombre en o suyo idioma u demandar que en situacions oficials les expliquen os suyos dreitos, obligacions y atros aspectos legals, amás de preservar a luenga y cultura a la que perteneixcan.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.