Bongo Botrako levan a chira “revoltosa” ta Uesca y Zaragoza

A colla mezcla ritmos reggae, ska, rock u punk en lo que han clamau "punk parranda"

portaladaBongo Botrako implió iste chueves a zaragozana Sala López con os suyo ritmos mestizos, aintro d’a chira “Revoltosa” a on que son presentando o suyo nuevo disco. Mientres quasi dos horas repasoron os temas d’iste disco y de “Todos los días sale el sol” (Totz os diyas sale o sol), que los levó t’a fama. Iste viernés continan a chira en a Sala Edén de Uesca, a on que asperan repetir exito.

O concierto de Zaragoza prencipió bien animau con We want less, canta d’o nuevo disco que charra sobre o decreiximiento. L’ambient, pleno de chent muito choven, se fue calentando mientres repasaban totz os temas y agradeixeban estar en Zaragoza por quartena vegada. T’a fin se deixoron “Todos los días sale el sol”, a canta que les fació famosos, versions de Bob Marley y o “Volare” y, prou que sí, “Revoltosa”, o suyo actual exito que da nombre a o disco y a la chira.

O nuevo disco ye estau produciu por Amparo Sánchez, ex-Amparanoia, y conta con bellas colaboracions como a d’a propia Amparo u a de Benjammin, Anita Kuruba, Chiki Lora (Canteca de Macao) y Joan Garriga (La Troba Kung-Fú). Entre as tretze cantas que’n fan parti, bi ha buena cosa de reivindicación, siempre ixo sí, con un soniu festivo. Os dos discos se pueden descargar de baldes en a pachina web d’a colla.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.