Borina de refirme a la revista Espiello

A revista d'actualidat de raso en aragonés leva 35 numers editaus

Cartel d'a borina
Cartel d’a borina

Iste chueves 24 a las 23:30 prencipiará en o bar La Botica d’o Casco Viello zaragozano una borina de refirme a la revista d’actualidat de raso en aragonés O Espiello. A borina quiere estar una trobada entre escritors y lectos d’a revista y entre totz os aragonesofablants que quieran amanar-se-ie ta que a publicación pueda tener continidat y seguir con a mesma rasmia que va naixer.

Ista revista, publicada por l’Asociación Cultural Nogara – Religada, viyó naixer o suyo primer numer e a primavera de 2002. Nueu anyadas dimpués y con 35 numers editaus, O Espiello s’ha convertiu en un referent t’as publicacions en aragonés y en una d’as más antigas. Entre os suyos contenius bi ha de tot. Seccions fixas, como a de sciencia y tecnolochía u “A chugar, a leyer”, endrezada t’os más chicotz de casa, noticias breus d’a luenga y d’o mundo, criticas de libros y discos, articlos sobre qualsiquier cosa y mesmo creyación literaria.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.