Brasil y China eliminan o dolar norteamericano d’as suyas transaccions

China y Brasil alcordoron independizar-se d'o dolar en as suyas transaccions, alcuerdo que ixamplarán a la resta d'os países BRICS

china-brasilDos d’os chigants economicos d’o mundo, Brasil y China, decidioron o martes de desfer-se d’o dolar norteamericano y negociar con atra divisa ta asegurar os suyos intercambeos d’as fluctuacions d’a sobrevalurada moneda norteamericana. O ministro brasilenyo de Finanzas, Guido Mantega, ha anunciau que ufrirá un alcuerdo similar a os presidents d’os atros estaus miembros d’o BRICS.

O cambeo de divisas ‘antidolar’, con una valor de 30.000 millons de dolars anuals y formulau por un periodo de tres anyos, estió sinyau por representants d’os dos países, a la marguin d’a cumbre d’o grupo BRICS (formau por Brasil, Rusia, India, China y Sudafrica), celebrada en a ciudat sudafricana de Durban.

En adoptar ista mida, o grupo BRICS s’amana a convertir-se en un soliu bloque politico, economico y militar a ran mundial, rivalizando, asinas, con os intreses d’o país norteamericano.

Recientment, muitos actors en o comercio internacional y diferents actividatz economicas han aumentau o suyo intrés d’independizar-se d’o dolar, a Republica Islamica de Irán y países latinoamericanos, como Brasil, Venezuela y Archentina son bells eixemplos d’iste caso.

Os BRICS creyarán o Banco de Desembolique

Os ministros de Finanzas d’as cinco nacions que integran o grupo BRICS alcordoron en Durban creyar un Banco de Desembolique que s’enfrontinará a o Banco Mundial y a o FMI. Os chefes d’Estau y de Gubierno d’os cinco países emerchents mas importants, os BRICS han pactau fundar una institución bancaria conchunta.

Fuent: http://noticies.sirius.cat/2013/03/brasil-i-xina-eliminen-dolar-nord.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.