Bronchals encarga una auditoria sobre l’estau economico d’o concello

L'equipe de gubierno denuncia una deuda de 500.000 euros dixada por l'anterior corporación

O pleno d’o concello de Bronchals ha demandau una auditoria ta conoxer l’estau d’as arcas municipals y d’a situgación churidica d’o mesmo. A nueva corporación (PSOE-CHA) denuncia una deuda de mas de 500.000 euros. L’alcalde Paco Nacher ha sinyalau que “ye urchent conoixer o estau d’as cuentas porque no podemos empecipiar nuevos prochectos sin saber l’estau real d’a deuda”.

A decisión que he preso lo concello se debe, seguntes l’alcalde, a la situgación trobada, como a existencia de cobros y deudas pendients con administracions y organismos, asinas mesmo como la no liquidación de l’IBI a más d’un centenar de viviendas y edificios.

A nueva corporación tamién denuncia que Bronchals tien un patrimonio inmobilizau que no ye real, porque ye sobrevalurau. Seguntes l’alcalde, a la situgación economica s’achunta que, por exemplo, o camion municipal no ha pasau a ITV, o que dos d’os tres triballadors municipals estasen sin contracto laboral.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.