Brote de PPA en Rusia

O distrito ruso de Scherbinovskiy en alerta por un nuevo foco de Peste Porcina Africana

Latón. Autor: Metalhero1993

68 latons han muerto en zagueras a causa d’a Peste Porcina Africana (PPA) en Staroscherbinovskoy un lugar en o distrito ruso de Scherbinovskiy.

Iste suceso se dió en una rafalla d’una industria agroalimentaria d’o complexo “Banner of Lenin”. Os servicios albeitars son desenvolicando as tareas de localización de l’orichen d’a infección, seguntes afirma Pig Progress.

Man y menos, os ganaderos locales dicen que l’impacto d’a malotía puet estar increyiblement destructivo, ya que a rafalla en a que  se rechistró o brote d’a infección ye localizada en o corazón d’a industria porcina d’a rechión de Krasnodar, y actualment o numero total de latons en a redolada ye de 20.687.

Seguntes os albeitars d’a redolada, a industria d’os latons en a rechión ye seriament menazada, puesto que si no consiguen aturar agora a espardidura d’a malotía, de camín se veyerán afectadas as rafallas vecinas y alavez sera muit dificil aturar a infección y allora luego podría plegar en atras rechións amanadas. Ye por isto que en Krasnodar s’ha establexiu l’estau d’emerchencia.

Bells apuntes sobre a PPA

A PPA ye produxida por o virus homonimo y se descubrió por primer vez en Kenia en 1910, encara que no plegó en Europa dica o 1957, an que se fació present de traza constant en toda la capanna ganadera d’a peninsula iberica. Isto provocó graus mals economicos, ya que, d’una man, no se podeban exportar latons, y d’atra, s’habión de sacrificar totz os latons de todas as redoladas afectadas por a infección. Más tardi, a malotía s’estendilló d’entre atros paises europeus como Italia, Francia, Holanda y Belchica y por o contient americano.

Encara hue a PPA ye enzootica (present de traza constant) en bells paises de l’Africa subsaharian y en Cerdenya, mientras que Rusia, o país afectau por iste nuevo brote, ya padeixió a infección en 2008, an que as autoridatz d’Osetia d’o Norte reconoixión que 330 latons heban muerto por a malotía.  Espanya ye libre de PPA dende 1995.

Fuent: http://www.pigprogress.net/news/russia-new-large-scale-outbreak-of-asf-7837.html?cmpid=SOC|Twitter|PigProgress

3 Rispuestas a Brote de PPA en Rusia

  1. Que cochin mes poliu, se parexe a ZP y si le ficas barba, mesmamente Rajoy.

  2. Quiesto chuanralla,
    ista noticia charra d’una malotía sobreimportant que ye causando a-saber-los problemas en Rusia. No ye o puesto an que meter un comentario tan absurdo como lo tuyo.
    Y ya ye prou d’insultar a los latons, que son animals muit intelichents y que no fan mal a dengún.

  3. Me desincuso L no quereba yo insultar os latons, cualsiquier chochin tien mes dinnidat que ixos dos carnuzes. Solo quereba fer una grometa, parexe que no ha feito pas muita grazia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.