Bulgaria renuncia a l’euro

O gubierno considera que ingresar en a zona euro no ye garra avantalla t'o país

Boyko Borisov, primer ministro bulgaro (Foto: Wikipedia)

Boyko Borisov, primer ministro bulgaro (Foto: Wikipedia)

O país más pobre d’a Unión Europea, Bulgaria, ha renunciau a dentrar en a zona euro, debant de l’actual crisi economica y financiera, encara que cumple totz os criterios tecnicos. O gubierno diz que no troba garra avantalla en unir-se a l’euro. No i viye que costes y creye que bi ha masiaus risques. L’actual moneda de Bulgaria ye o Lev.

Bulgaria fació baixar l’anyada pasada o deficit presupuestario dica o 2,1% d’o PIB con una baixada d’as pensions y d’os chornals en o sector publico. Agora a moneda bulgara ye una moneda fuerte. En unas declaracions de fa bells diyas en o Wall Street Journal, o ministro de finanzas, Simeon Djankov, deciba que bi heba masiaus risques en dentrar en a zona euro porque no quedaba esclatero quals serían os regles ni que pasaría d’aquí a una anyada u dos. O primer ministro ha confirmau en Sofiya que a decisión d’o gubierno de dentrar en l’euro “ha quedau chelada de traza indefinida”.Bulgaria teneba previsto dentrar en l’euro o 1 de chiner de 2013, seguntes un alcuerdo que se i heba plegau en 2010, pero ya fa bells meses que yera de dar que ixo no iba a pasar. Con tot y con ixo, as monedas con o reverso nacional ya yeran prestas. De feito bi heba habiu una important rufierta debiu a que iba a estar o primer país en fer servir  l’alfabeto cirilico que dentraría en a moneda unica y, alavez, ista habría d’adhibir una atra ringlera a la parola Euro, que en os billetz actuals apareix en l’alfabeto latino y en o griego.

Tampoco no tienen esclatero de dentrar en l’euro Letonia y Lituania, que s’estiman más d’asperar a viyer como evoluaciona a situación economica.

Fuent: http://www.vilaweb.cat/noticia/4040588/20120915/bulgaria-renuncia-leuro.html

Una rispuesta a Bulgaria renuncia a l’euro

  1. No ye denguna sospresa. De seguras que lis va muito millor, no como a nusatros…

    En Espanya bi’n ha masiatos intreses creyaus d’a Patronal y d’a Banca. De estar per as chicotas interpresas y os ciudadans de seguras que ya bi serbanos difuera deinde fa muitos tiempos. U mesmo no haberbanos dentrato mai.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.