Cabo de semana sangriento en Gaza

O viernes empecipió una nueva oleada de violencia que ha causau decisiet muertos.

Benjamin Netanyahu, primer ministro d'Israel. (Foto: Wikipedia)

Un miliciano palestin y un nino han resultau muertos hue mientras una enrestida aeria de l’exercito israelí en Gaza. Istes zaguers bombardeus puyan dica decisiet o numero de palestins muertos dende que o viernes empecipió una nueva oleada de violencia, a mas grieu dende octubre.

O primer ministro israelí, Benjamin Netanyahu, y o ministro d’esfensa, Ehud Barak, advirtioron ahiere que mantendrían as enrestidas entre que a población d’o sud d’Israel continase sufrindo os lanzamientos de cohetz dende a Francha de Gaza. Ahiere, quatro israelís resultoron ferius por o centenar de cohetz lanzaus dende Gaza, que han meso en estau d’emerchencia a o sur d’o país.

L’exercito israelí mató lo viernes en Gaza a o secretaire cheneral d’os comités populars de resistencia palestina, Zuhair al- Qaisi. Alavez empecipió a oleada de violencia, con lanzamiento de cohetz por parte de palestins y enrestidas aerias de l’exercito israelí, que s’ha saldau por l’inte con deciséis milicians y un civil palestino muertos y una trentena de ferius, quatro d’ells, israelís.

A ONU y a UE han reclamau l’ature d’a oleada de violencia, mientras que o president de l’Autoridat Palestina, Mahmuh Abbas, ha feito una clamada a la moderación ta privar de meter en periglo a creyación d’un estau palestino. Turquía tamién ha pediu tornar a la situación implicita d’alto o fuego que manteneban Israel y Palestina istes zaguers meses, tot y que ha criticau a “desproporción” d’as enrestidas israelís. En iste sentiu, a Liga Arabe ha instau a la comunidat internacional a intervenir en o conflicto y a responsabilizar a Israel de l’aumento d’a violencia. D’atra man, os EE.UU. han condenau a lanzadura de cohetz por parte d’as milicias palestinas y ha esfendiu o dreito d’Israel a esfender-se.

Fuent: http://www.vilaweb.cat/noticia/3993693/20120311/cap-setmana-sagnant-gaza.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.