Cabo Verde proposa que Galicia, Curaçao y Macau s’adhiban t’a Comunidat de Países de Luenga Portuguesa

O ministro de cultura d'o país diz que a "economía creyativa consella d'ixamplar a organización.

O portugués en o mundo (Imachen: Wikipedia)

O portugués en o mundo (Imachen: Wikipedia)

O ministro de Cultura de Cabo Verde, Mario Lúcio Sousa, ha proposau que Galicia, Curaçao y Macau s’adhiban t’a Comunidat de Países de Luenga Portuguera (CPLP), una organización internacional de cooperación entre países lusofonos. Seguntes Sousa, a CPLP no habría d’achuntar nomás ixos estaus a on que o portugués ye territorial u oficial, sino tamién os países – mesmo si son nacions sin estau – a on que se charran luengas criollas basadas en o portugués, u luengas que mantienen o mesmo orichen – o caso d’o gallego. T’0 ministro, a emerchencia de l’economía creyativa” aconsella de prener istas decisions.

En Curaçao – un estau semiindependient d’os Países Baixos  se charra o papiamento, una luenga criolla basada en o portugués y con alportacions de diferents luengas europeas y africanas. Sousa remera que o papiamiento y o criollo de Cabo Verde mantienen muitas cosas parellanas. En Macau tamién existe un criollo portugués, encara que se ye acotolando. En qualsiquier caso, o portugués i tien estatus d’oficialidat, de conchunta con o chino.

A CPLP, manimenos, aclarío fa bella anyada que Galicia no podría dentrar en a organización entre que l’Estau espanyol no i dase luz verda. Agora, os miembros de pleno dreito de l’ente nomás son estaus soberanos: Portugal y as suyas excolonias de Brasil, Angola, Mozambique, Cabo Verde, Timor Oriental, Sant Tomé y Guinea Bissau.

 

Fuent: http://www.nationalia.cat/ca/noticies/1505

Una rispuesta a Cabo Verde proposa que Galicia, Curaçao y Macau s’adhiban t’a Comunidat de Países de Luenga Portuguesa

  1. Isto ye una buena idea per Galicia !! Si Espanya accepta.

Responder a Maime Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.