Perolada en a Bolsa uescana

Convocadas por l'asambleya 15M, decenas de personas ocupan un improvisau Wall Street en a capital altoaragonesa

A ritmo de perola l’asambleya 15M uescana ha dau escomencipie a “l’agüerro calient” altoaragonés, denunciando los mercaus financieros y solicitando a regulación d’os mesmos. En un comunicau leyiu en rematar a rudiosa concentración, s’ha pediu tamién a limitación d’a influyencia de ditos mercaus en a vida politica, de vez que s’ha solicitau un reparto equitativo d’a riqueza.

Seguntes a propia asambleya, d’entre as midas más immediatas s’habría d’escompencipiar eliminando los paradisos fiscals, 177 en tot lo mundo, proceder a la identificación d’os fluxos financieros mundials y aplicar sobre os mesmos a conoixida como Tasa Tobin.
O comunicau ha rematau con un clamamiento a chubilaus, treballadors y estudiants ta que sigan conscients de l’esdebenidero que se mos amana, de total descapitalización d’as arcas publicas y trescole d’istos fondos t’as elites financieras globals.

A convocatoria yera enmarcada dentro d’a iniciativa mundial Occupy Wall Street, baixo la cual s’han ocupau asabelas plazas y carreras arredol d’os parques mas emblematicos d’a capital transnacional, d’entre atras a propia Wall Street neoyorrkina, o londinense Bank of Englandy os suyos equivalents en Atenas, Berlín, Paris y asinas, asinas. Diferents ciudatz en l’estau espanyol s’han uniu a o clamamiento mundial.

Uesca prene la bolsa

Uesca prene la bolsa. Autor: Diagonal

 

Fuent: http://www.diagonalperiodico.net/aragon/Cacerolada-en-la-Bolsa-oscense.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.