Calatayú celebrará o X cabo d’anyo d’o mudechar aragonés

O concello ha feito un programa en colaboración con atras administracions ta espardir o patrimonio mudechar d'o lugar

Ilesia de Sant Andrés en Calatayú (Foto: AlbTotxo)

Ilesia de Sant Andrés en Calatayú (Foto: AlbTotxo)

O concello de Calatayú, de conchunta con a Redolada, lo bispau de Tarazona y a Diputación Provincial de Zaragoza ha feito un programa d’actos que prencipiará iste mes ta celebrar o deceno cabo d’anyo d’a declaración d’o  mudechar aragonés.

O primer acto será ista mesma tardi en a Ilesia de Sant Pietro d’os Francos, y lo presidirá Luisa Fernanda Rudi. Bi serán tamién atros reptresentants de diferents institucions aragonesas. Mientres os meses de chinero y abril se organizará una serie d’exposicions y charradas que prencipiarán con “Historia d’a declaración d’o mudechar d’Aragón como Patrimonio d’a Humanidat por a UNESCO” que dará Javier Callizo o 19 de chinero.

En febrero se ferán chornadas de puertas pataleras y visitas de baldes tanto en o mudechar de Calatayú como en atros lugars d’a redolada. Asinas mientres tot lo mes se podrán visitar os principals molimentos de Aninyón, Cervera d’a Canyada, Morata de Xiloca, Maluenda, Ateca, Torralba de Ribota y Tobet.

D’atra man, ya ye convocau un concurso de fotografía con o tema d’o mudechar que o plazo de dentrega remata o 16 de chinero. As bases se pueden consultar en a web d’a redolada. Con as imachens que se triguen se ferá dimpués una exposición que viachará por os ligars d’a redolada. Ta marzo, o concurso de debuixo “Como viyes tu o mudechar” amanará iste patrimonio a los escolanos de primaria.

Ilesia de Sant Andrés en Calatayú (Foto: AlbTotxo)

Ilesia de Sant Andrés en Calatayú (Foto: AlbTotxo)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.