Calatayud quiere ubrir un minchador social en a ciudat

O Concello de Calatayud ya ha encetau os tramites que s’amenistan ta tractar d’ubrir un minchador social en a ciudat. O servicio s’instalaría en l’edificio de l’albergue y tendría capacidat ta diez personas. Os usuarios serían personas que acudisen a os Servicios Socials en busca d’aduya por estar travesando circumstancias economicas complicadas.

“Veyendo las demandas y os casos que se daban en Calatayud, os tecnicos d’os Servicios Socials suchirioron a creyación d’un minchador social ta amillorar a situación de quantas personas”, explica a concellera de Afers socials, Esther Herrero. Con ista fin, o Concello ya ha elaborau o prochecto y ye buscando financiación ta executar-lo.

“Nos hemos reuniu ya con a CAI, que ha amostrau intrés por la ideya, y lo proposaremos tamién a atras caixas”, abanza Herrero. Dito prochecto contempla instalar o minchador en o mesmo edificio an se troba l’albergue, “ta aproveitar las instalacions”, seguntes sinyala a concellera. O servicio ufriría una minchada a o día y contaría con plaza ta diez personas. “No sería un minchar ubierto a totz. Os que acudisen serían siempre usuarios d’os Servicios Socials y os tecnicos s’encargarían de decidir quí puede tener mayor necesidat”, apunta Herrero. A ideya d’o Concello ye parar-lo y ubrir-lo ta o prencipie de l’anyo 2012

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.