California vieda os tractamientos ta “curar a homosexualidat”

Ye o primer estau d'EE.UU. en prener ista mida

Manifestación de l'argüello LGBT en Zaragoza en 2010 (Foto: Primo)

Manifestación de l’argüello LGBT en Zaragoza en 2010 (Foto: Primo)

O venient 1 de chiner de 2013 dentrará en vigor a vieda d’os tractamientos psicoterapeuticos que preben de fer que un menor de 18 anyadas homosexual se torne heterosexual. Asinas lo sinyó o pasau sabado o gubernador de l’estau, o democrata Jerr Brown qui dició que antimás de que istas practicas no tienen “garra base scientifica ni medica” podeban haber “prebocau depresions y suicidos entre os chovens.A lei ha contau con o refirme de l’Asociación de Psicolochía de California y a Dirección de Sciencias d’o Comportamiento. A Organización Mundial d’a Salut ya sacó a homosexualidat d’a lista suya de malotías fa más de vinte anyadas. Tamién se i han posicionau a favor as asociacions de psicologos y psiquiatras qui condenan qualsiquier tractamiento psiquiatrico que considere a homosexualidat como un transtorno mental.

Manimenos, tanto o partiu republicano como sectors relichiosos han considerau que a mida yera una intromisión en a libertat ta esleixir d’os pais ta educar a los suyos fillos. No ye a primer vegada que Jerry Brown les fa carranyar. En chulio de 2011 sinyó una lei que feba incluyir a historia d’o homosexuals en os libros de texto.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.