Cameron, contundent con Rajoy a radiz d’a tensión en Chibraltar

O primer ministro britanico truca a o president espanyol pa trasladar-le a 'gran preocupación' por os incidents

David Cameron (Foto: Prime Minister's Office)

David Cameron (Foto: Prime Minister’s Office)

A tensión entre os gubiernos espanyol y britanico por l’actitut espanyola con Chibraltar contina aumentando. Hue o primer ministro britanico, David Cameron, ha trucau a o president espanyol, Mariano Rajoy, pa manifestar-le a suya ‘gran preocupación’ por os incidents d’os zaguers días y a posibilidat que Madrit impose una taxa de 50 euros pa entrar u salir de Chibraltar. O mesmo Cameron l’ha explicau a traviés de Twitter, a on ha calificau a trucada de ‘constructiva‘, y ha dito que heba ‘deixau claras‘ a Rajoy as suyas preocupacions y que a suya posición sobre a sobiranía no cambiaría pas.

Antiparte, Rajoy le ha respondiu que as accions unilaterals de Chibraltar yeran ‘inacceptables‘.

L’orichen d’o conflicto va de luen y, mas recientment, por l’incident con una patrulla armada a zaguers d’o mes pasau y por uns bloques de formigón que Chibraltar colocó en o mar pa protecher, seguntes diz, as suyas auguas y a biodiversidat. Pero os pescataires espanyols critican que istes bloques de formigón les empachan de poder fer o suyo treballo. Ista mida se tradució en duros controls espanyols en a buega pa totz que queresen entrar y salir de Chibraltar.

Fuent: http://www.vilaweb.cat/noticia/4137937/20130807/cameron-contundent-rajoy-arran-tensio-gibraltar.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.