Campanya de recullida de boligrafos gastaus

Os beneficios d'ista recullida de boligrafos y rotuladors gastaus se destinaran a o fogar infantil de l'Asociación Creamos de Cochabamba (Bolivia).

(Foto: Asociación Creamos)

(Foto: Asociación Creamos)

Con un chesto tan simple como a recullida de boligrafos y rotuladors gastaus se puede aduyar a amillorar a situación d’os ninos y ninas d’o Fogar Infantil Creamos de Cochabamba, Bolivia.

A campanya s’ha encetau en Zaragoza an que ya se son recullindo bolígrafos en asabelos puestos como l’hespital Miguel Servet, o centro civico Teodoro Sánchez Punter u l’Asociación Cultural Nogará.

Os boligrafos se ninviaran a Terracycle ta que los recicle y os diners obtenius se ninviaran a l’Asociación Creamos.

O cudiau d’os ninos d’o Fogar se realiza dende fa 4 anyos  con una capacidat d’acullida de 18 a 22 ninos y ninas menors de 4 anyos, con la aduya economica solidaria d’os amigos de Creamos Italia y Espanya; sin aduya gubernamental ni de garra financiadora, a urchencia de dar respuesta a la situación critica d’os ninos que plegan dica o fogar obliga a abrigar-los y cubrir todas as suyas necesidatz basicas, aconseguindo acullir un promeyo de 45 ninos y ninas por anyo,  brindando-les un ficacio personalizau an superen progresivament os traumas que primerencament han viviu -mesmo intento d’homicidio y violencia de toda indole-, re-ficando-los a las suyas familias d’orichen -previo treballo con ellas- u, caso contrario, chestionando a suya adopción seguntes as leis bolivianas.

En o Fogar s’acullen bebes menors de tres anyos d’edat, muitos d’ells con tasament horas d’haber naixiu, mesmo prematuros (que han estau abandonaus en as carreras u a periferia d’a ciudat), maltrataus, desnutrius u con problemas de salut que demandan un ficacio especializau que va dende a suya alimentación y cambeo de pañals, control medico, banyo en augua diario, etc.  Os ninos en o fogar reciben cudiaus en puericultura, ficacio en todas as suyas necesidatz basicas, estimulación temprana y educación inicial. Se realizan actividatz ludicas y recreativas, paseyos, celebracions de días especials y qui tienen bell lazo familiar reciben a visita d’os suyos parients.

Paralelo a ixo s’enceta a tramitación d’a documentación d’o bebe aculliu en o fogar de Creamos, qui cheneralment ha estau remitiu dende o Servicio Departamental de Chestión Social d’o Departamento de Cochabamba (SEDEGES), as Defensorías d’os diferents municipios, u mesmo derivaus por as propias mais, con freqüencia adolescents, que viven en as carreras y consumen droga u se troban en as garcholas.

Igualment se realizan os controls periodicos psicolochicos, de treballo social investigando de diferents trazas l’orichen d’os bebes que han estau abandonaus en as carreras u hespitals y d’a realidat familiar de totz os ninos que se i atienden.  Os informes obtenius son entregaus en o SEDEGES ta que istes determinen a inexistencia familiar, a reinserción familiar y/u adopción caso que sía imposible o retorno a la familia d’orichen.

Puedes trobar más información sobre os puestos de recullida de bolígrafos aquí.

Fuent: https://www.facebook.com/events/266989660097043/?notif_t=plan_user_joined

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.