Campus de Verano d’Espacio Alfranca, una iniciativa plena de novedatz en a suya quartena edición

O campus ixampla a suya duración y actividatz

Campus d'estiu (Foto: D.Ch.A.)

Campus d’estiu (Foto: D.Ch.A.)

O Campus de Verano d’Espacio Alfranca celebra a suya quartena edición que, gracias a l’experiencia presa en as pasadas edicions, permite presentar un gran numer de nuevas actividatz que ferán bien de goi a los más chiquetz.

A iniciativa, endrezada más que más ta ninos d’entre 6 y 12 anyadas, se ferá dende o 24 t’o 6 de setiembre y permite fer reservas semanals. D’ista traza oschicotz podrán enriquir-se con as actividatz tematicas d’o campus, todas ellas arredol d’o mundo agroambiental: conoixer o sector agrario, respetar o meyo ambien que tenemos arredol, y potenciar a necesidat d’un minchar de traza sana basau en o consumo de fruitas y verduras.

Os pres d’o campus incluyen traslaus (8:30 ida ta L’Alfranca – 16 h tornada ta Zaragoza), material, equipación actividatz y virolla d’os ninos.

Muitas novedatz ta iste verano

O Campus de Verano Espacio Alfranca, promoviu por o Departamento d’Agricultura, Ganadería y Meyo Ambient a traviés de SARGA, conta ista anyada con un gran numer de nuevos planteyamientos.

Ta prencipiar, s’ixampla o servicio dica la primer semana de setiembre, con a fin de que os pais u tutors tiengan una alternativa d’ocio t’os ninos con que conciliar a suya vida laboral en tot lo tiempo d’o verano.

A más gran parti d’as actividatz se ferán en a redolada de l’Alfranca, gracias a lo paisache que tien, con dos centros d’interpretación (CIAR y CIAMA, a Casa Palafox, o Chardín de Rocas, Os Galachos de L’Alfranca, … encara que de vez se celebrarán atra serie d’actividatz extraordinarias y nuevas ta ista anyada.

Entre ellas, cal destacar un curso de pesca en colaboración con a Federación Aragonesa de Pesa, a visita t’a Torre Escuela Torrevirreina, visita ta l’Acuario de Zaragoza, amostranza de cetrería, diya de piscina y la ya famosa baixada por l’Ebro con Ebronautas.

 

Fuent: http://www.cronicadearagon.es/wordpress/?p=41110

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.