Cándido Méndez acceptaría una ‘moderación en os chornals’

O lider de UGT ye en as negociacions t'a reforma laboral.

Cándido Méndez (Foto: Portaldelsur.es)

Cándido Méndez (Foto: Portaldelsur.es)

UGT ye disposada a ‘acceptar una moderación en os chornals pero no pas una conchelación’ en parolas de o suyo lider, Cándido Méndez, en una entrevista feita hue en o programa ‘Hoy por hoy‘ d’a Cadena SER. Como alternativa t’a ‘moderación d’os chornals’, Méndez proposa que os achustes a tiempo completo se puedan convertir en achustes a tiempo parcial con caracter excepcional.

Istas declaracions las ha feitas dos diyas antis de que remate o plazo dau por o gubierno ta que bells representants de interpresarios y sendicatos pleguen en un alcuerdo ta fer a reforma laboral. Sobre a puyada d’impuestos como lo IRPF, Méndez se i ha oposau. Creye que ‘ye una presión más t’as rentas d’o treballo’ y que ‘o gubierno ha fotiu un tallo en as nominas d’os treballadors’.

A prioridat t’o lider d’UGT ye a ‘creyación y mantenimiento d’os treballos’ y ta ‘luitar contra l’ature, cal empentar o creiximiento’ porque ‘as politicas d’achuste ferán empiorar a situación de recesión’. En iste inte son prebando de que ‘as Pymes tiengan mecanismos esclaters y achils debant d’o forachite’, ha adhibiu.

Toda a negociación, diz Méndez, ‘ye alazetada en as charradas con o president y o suyo discurso d’investidura’, encara que ‘saben si ixo contina estando asinas’.

 

 

Fuent: http://www.cadenaser.com/espana/articulo/ugt-propone-conversion-temporal-contratos-tiempo-completo-tiempo-parcial/csrcsrpor/20120104csrcsrnac_3/Tes

2 Rispuestas a Cándido Méndez acceptaría una ‘moderación en os chornals’

  1. Qué no acceptaría ista chentota?

  2. Pobre clase treballadera. En que mans i-somos, por Dios!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.