Cañete defiende debant de Sabino Cuadra as obras ta evitar deslizamientos en Yesa

O diputau d'Amaiur ha preguntau a Arias Cañete sobre as obras en l'entibo de Yesa

Imachen d'as obras (Foto: Asociación Río Aragón)

Imachen d’as obras (Foto: Asociación Río Aragón)

Sabino Cuadra, diputau d’Amaiur en o Congreso d’os Diputaus espanyol, ha preguntau a o ministro d’Agricultura y Medio Ambient Arias Cañete sobre si “l’Executivo asume a responsabilidat por os danyos derivables d’as obras de recreiximiento de l’entibo de Yesa“, en a sesión de control a o Gubierno.

Arias Cañete ha asegurau que o Gubierno espanyol ye “actuando y continará actuando de traza responsable, profesional y con plenas garantías de seguridat en as obras de l’entibo de Yesa”, afirmando que as obras ta correchir os deslizamientos d’as laderas “han dau os suyos fruitos“, “frenando o deslizamiento quasi de tot”, y que si continan “consiguirán a estabilización“.

Manimenos, Sabino Cuadra considera que existen risques en a seguridat de l’entibo debiu a las obras existents, como asinas atestiguan diversos expertos, dimpués de que se desaloixasen bellas urbanizacions d’a zona. Considera que o Ministerio y a Confederación Hidrografica de l’Ebro (CHE), son actuando “irresponsablement”, amás de referir-se a la negativa de Xavier de Pedro, president d’a CHE a compareixer en o Parlamento de Nabarra (y en o d’Aragón). Cañete afirma que as obras “cumplen con totz os requisitos tecnicos y de seguridat” y que s’ha cumpliu tot lo establiu en o Plan d’Emerchencia.

Arias Cañete considera que o Gubierno “ha asumiu en tot momento a suya responsabilidat”, sinyalando o desaloixo d’os vecins ta “evitar risques”, asinas como asumindo as facturas de loguer y atros gastos cheneraus por o desaloixo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.