Caracol Zaragoza denuncia nuevas agresions en Chiapas

Os paramilitars asesinan a una persona y deixan prous ferius

chiapanencasO Caracol Zaragoza (Rete de personas por l’Autonomía Zapatista), ha condenau l’asesinato de d’una persona y as agresions que rematoron con arrienda ferius y prous danyos materials, en o Municipio de Las Margaritas, en Chiapas (Mexico). Istos feitos pasoron o pasau 2 de mayo mientres un proceso de dialogo, fendo-se servir palos y piedras, pero tamién machetes y fuego real.

As enrestidas “estioron feitas por militants d’os Partius d’o Gubernador de Chiapas (Partiu Verde Ecolochista de Mexico) y d0o Partiu Acción Nacional, asinas como por integrants d’a Central Independient d’Obrers Agricolas y Campesins Historica”, afirma ista organización.

O Caracol Zaragoza ha condenau ista “enrestida t’o prochecto d’autonomía d’o EZLN (Exercito Zapatista de Liberación Nacional”, y “a puyada de violencia que arrisca la vida y integridat de todas as personas que bi ha en o Caracol La Realidad”. “Istas agresions se producen como una respuesta belica de collas paramilitars protechius por o gubierno, a lo prochecto d’Autonomía que son costruyindo as companyeras zapatistas”, adhiben.

As portavoces d’o Caracol Zaragoza han sinyalau dreitament a o President de Mexico (Enrique Peña Nieto) y a lo Gubernador de Chiapas (Manuel Velasco Coello) como responsables d’os feitos “por endizcar a la población y permitir a las collas paramilitars fer servir a violencia”. Exichen que rematen as enrestidas paramilitars a las Comunidatz Indichenas y se castigue a los culpables, demandando urchentement que lo gubierno de l’estau de Chiapas “faiga una investigación rapeda y imparcial que aclareixca os feitos y trobe a los autors materials y intelectuals”. “Si no ye asinas, será contrimostrando estar embrecau dreitament en as agresions”, acusa o Caracol.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.