Caracol Zaragoza organiza una charrada sobre Chiapas con a presencia de Amparo Sanchez

A ex-cantaire de Amparanoia ferá un chiquet concierto acustico

cartel

O chueves o Caracol Zaragoza (Rete de personas por l’autonomía zapatista) organiza una charrada a on que ferán conoixer “as zaguers noticias dende o sureste mexicano y as zaguers parolas d’as compas zapatistas” y compartirán con qui bi vaiga “a ilusión por os nuevos prochectos.

En ista ocasión contarán tamién con a presencia de Amparo Sánchez, ex cantaire d’a historica colla Amparanoia, qui ye comprometida con a causa zapatista, d’a que ha charrau en muitas d’as cantas suyas y qui mesmo i ye viachada a fer-ie un documental. A cantaire tanyerá bellas quantas cantas d’os suyos discos, entre os que ye Alma de cantaora, o suyo zaguer treballo.

A charrada se fa bells meses dimpués de que, en aviento, 40.000 zapatistas d’as comunidatz en rebeldía de Chiapas, en salisen ta baixar ta cinco d’as mas grans ciudats d’o sur mexicano y fesen una protesta silenciosa. “Dende alavez son muitas las cosas que nos han contau, as noticias que nos han dau y as propuestas que nos han feito”, dicen dende Caracol Zaragoza.

A cita será o chueves 18 a las 20:30 en La Vía Láctea (C / Dr. Palomar, Zaragoza) a on que tamién ferán una presentación d’o video “Miradas”, rodau en Zaragoza y basau en o comunicau d’o EZLN “Ells y nusatros”. Bi habrá un bono de refirme de 5 euros ta poder financiar os gastos d’a chornada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.