Carlos Divar dimite d’a presidencia d’o CGPJ y d’o Tribunal Supremo

Divar ha comunicau a suya decisión en un pleno extraordinario d'o CGPJ iste maitín

Carlos Divar, president d’o Consello Cheneral d’o Poder Chudicial (CGPJ) y d’o Tribunal Supremo espanyol, ha anunciau hue a istos dos organismos a suya dimisión d’o suyo cargo. A dimisión s’ha produciu como conseqüencia de l’escandalo d’os suyos viaches privaus de cabo de semana ta Marbella pagaus con diners d’o propio CGPJ. O dica agora president, heba perdiu a confitanza d’a resta de chueces.

Fernando de Rosa, vicepresident d’o CGPJ, se ferá cargo d’a presidencia d’iste organo chudicial estatal dica que se trigue a atro president, mientres que Juan Antonio Xiol se ferá cargo d’a presidencia d’o Tribunal Supremo por estar o president de sala mas antigo. Manimenos, a renuncia de Divar no tendrá efecto dica que no apareixca publicada en o Boletín Oficial de l’Estau (BOE).

En o CGPJ asperan que ista dimisión faiga honra ta limpiar a imachen d’o consello y recuperar a confitanza perdida en os chueces.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.