Carta de despedida a Florencio Eworo

Un companyer d'a ONCE li escribe ista carta a Florencio Eworo, que aparixeba muerto en l'entibo de Pina

florencioQué pequenyo yeras quan te conoxié, y que pequenyo yera yo tamién. Ya han pasau unas quantas anyadas dende aquel campamento en Campo, con os nuestros companyers de la ONCE quan me recibiés con os brazos ubiertos. Ixe zagalico negro que perén yera feliz. Que perén sonrieba. Ixe mesache que plegaba con yo enta o másalto d’a casa escalando. Ixe mocé a lo que o monitor clamaba “Floriano”, ixe choben que sabeba fer bien de tot, que nunca no diciba que no a aprender o que estase.

Remero quan en a playa nos explicabas a esferencia que bi heba entre “beach” y “bitch” en aquel beach club, quan te quedés dormiu o diya que ibanos a salir de fiesta por L’Escala y te dispertés con ganas de salir quan nusatros ya yeranos meyo dormius. Ixa voz tuya tan propia, tan funda.  A tuya traza de rier. Ixa habilidat con osluengaches; l’anglés, l’espanyol, o guiniano que remerabas d’a tuya infancia, d’o tuyo lugar…

Remero l’anyada que viniés a Uesca a fer o bachiller, ixas bieretas en o Lizarrán, ixos paseyos por Uesqueta, ixos buenos intes que pasemos chuntos riendo por astí.

Agora yeras empecipiando o tuyo prochecto de vida. Primer de cheografía, y ha estau agora quan a vida nos ha amostrau o lenta que vien, y o lenta que pasa, y que bi ha que aproveitar-la en totz os intes, porque puet ir-se ascape. Dimpués d’un mes sin saber de tú, hue han trobau o tuyo cuerpo, ya sin vida y os nuestros corazons han tornau a plorar, como lo diya que nos dicieron que yeras desapareixiu.

Charro en o mío nombre, pero creigo que no m’entivoco si digo que puedo charrar tamién en o nombre d’a resta d’os tuyos companyers de la ONCE, te querebanos muito, Floren, serás perén en os nuestros corazons. Descansa en paz.

Una rispuesta a Carta de despedida a Florencio Eworo

  1. Pingback: Carta de despedida a Florencio Eworo | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.