Casa Ferrer en Castillón de Monegros será catalogada como Bien Inventariau d’o Patrimonio Cultural Aragonés

O Concello d'a localidat monegrina iba a espaldar-la, pero agora con ista resolución habrá de guaranciar a conservación d'iste elemento d'o patrimonio cultural aragonés

CasaFerrerCastejonMonegros-300x225

Foto: Apudepa

Dende Apudepa confirman una excelent noticia que o suyo orichen se remonta a o mes de chulio de l’anyo 2008. “L’asociación conoixió ahiere, 15 d’abril de 2013, que a Diputación Cheneral d’Aragón ha acceptau tramitar a solicitut oficial presentada por Apudepa y, dimpués d’haber visitau a casa y comprobau a suya valor artistica y historica, ha dau tramite a la catalogación de Casa Ferrer como Bien Inventariau d’o Patrimonio Cultural Aragonés”, confirma Apudepa.

O Concello de Castillón de Monegros heba decretau a espaldadura total de l’immueble en un claro cenyo de desprecio ent’o patrimonio cultural d’a suya localidat. A Resolución d’o Director Cheneral de Patrimonio Cultural, de 4 d’abril de 2013, fa expresa mención a la necesidat “d’evitar dita demolición y guaranciar asinas a suya conservación como elemento destacau dentro d’o patrimonio edificau d’a localidat monegrina”.

Por ixo, y daus as valors artisticas y historicas consignadas en l’informe tecnico d’a Dirección Cheneral y ya abanzaus por Apudepa, o Gubierno d’Aragón ha alcordau encetar l’expedient t’a declaración d’a casa como Bien Inventariau d’o Patrimonio Cultural Aragonés.

Apudepa entiende que “cal que o Concello de Castillón de Monegros asuma a catalogación como una buena noticia y encete os treballos que calgan t’o buen mantenimiento de tot o patrimonio cultural d’a localidat, baixo unas nuevas premisas de respecto y conservación, desterrando os plans d’espaldaduras”.

“Agradeixemos l’intrés amostrau por a propiedat t’a conservación de l’immueble y le instamos acto seguiu a que proceda a la realización con caracter urchent d’a intervención que permita mantener l’immueble en o buen estau que requiere, seguntes o disposau por a lechislación urbanistica”, explican dende Apudepa.

Asinas pues, Apudepa “anima a la propiedat y a las administracions a la busca d’un entendimiento que permita o millor alcuerdo t’a conservación d’o patrimonio cultural. No en vano, hemos de remerar que l’estau d’a casa no ye l’idonio y reiteramos que calen obras urchents de consolidación y mantenimiento. Pero en garra caso d’espaldadura”.

Fuent: http://arainfo.org/2013/04/casa-ferrer-en-castejon-de-monegros-sera-catalogada-como-bien-inventariado-del-patrimonio-cultural-aragones/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.