Cascos abanza as eleccións asturianas a marzo

Cascos convoca eleccións abanzadas t'o 25 de marzo "porque ye o millor t'Asturias".

Francisco Álvarez- Cascos, president d'Asturias. (Foto: Wikipedia)

Francisco Álvarez-Cascos, president d’Asturias, sinyó iste 30 de chinero lo Decreto de disolución d’a Chunta Cheneral y de convocatoria d’eleccións autonomicas t’o 25 de marzo. O chefe de l’Executivo encetó los tramites legals como “exercicio de corache y responsabilidat y porque ye lo millor t’Asturias” y dimpués de que o PP “decidise imposar ta l’anyo 2012 o mesmo presupuesto que refusó en o 2011”.

O president, que compareixió dimpués d’un Consello de Gubierno chunto a totz os miembros d’o suyo equipo, a diputada Cristina Coto y o senador Isidro Fernández Oblanca, dició que o “complot parlamentario de PP y PSOE” empentó lo presupuesto d’o Gubierno d’Areces “que reproduz a situación d’antis y contra la que una buena parti d’os ciudadáns se revelón en os comicios de l’atro anyo”.

Asinas mesmo, explanicó que o suposau alcordo leva a una situación que tien como obchectivo dificultar l’aición d’o Gubierno eslechiu por os asturians o 22 de mayo “en un tiempo en o que Asturias vive l’inte más crucial y más dificil d’a suya historia democratica”. Por ixo, afirmó que “”ye impracticable encarar-se a una alianza PP-PSOE con mayoría absoluta que impide y obstaculiza gubernar con un programa de cambeo”.

O president asturiano dició que o Gubierno de Foro tien a voluntat de servir y no les guida atro proposito que esfender os intreses chenerals d’Asturias, “no pleguemos aquí buscando cargos y no imos a remanir en o puesto un minuto más d’o que responda a la convicción d’estar fendo una labor util a os nuestros conciudadáns”. Por ixo, afirmó que no ye un politico aferrau a la “poltrona” y que encara que a prorroga presupuestaria no ye una situación nueva en Asturias, “mancaría a la verdat si m’agarrase a ixe pretexto ta continar entabánt en iste viache sin rumbo que sepultaría a Asturias en un forau encara más dramatico”.

Cascos dició que, en a situación actual, o presupuesto d’o 2011 ye igual a o suicido, a estricallar l’Estau de Buenpasar, a l’empobrecimiento y a o pan ta hué y fambré ta manyana, “por o que s’amenistan midas singulars”. Con tot, afirmó que van a atender as obligacións administrativas, “mesmament a esfensa d’os nuestros dreitos debant de decisións de retalladas d’o Gubierno d’Espanya, derivadas d’as exichencias d’a politica d’estabilidat que vulnera o prencipio constitucional de solidaridat a o que tamién habrían d’atener-se”.

O president asturiano, que dició que se siente más que no nunca en a luita por esfender os intreses d’Asturias, sinyaló que totz pueden considerar a convocatoria electoral como oportunidat nueva y reto nuevo ta que, “conoixendo-nos encara millor y en estar más conscients d’o desafío que se nos planteya, podamos perfilar l’esdevenidero de totz y aconseguir o millor ta la nuestra quiesta Asturias, a la que, en istos intes de dificultatz y de sacrificio, somos obligaus a amar más que no nunca”.

Fuent: http://www.lesnoticies.com/lesnoticies/noticies/cascos-convoca-elecciones-anticipaes-pal-marzu-porque-meyor-p%27asturies/9071

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.