Catalunya tamién demandará aduya a o fundo de rescate espanyol

A deuda catalana ye de más de 42.000 millons d'euros, a más altera d'as deudas autonomicas

Francesc Homs, vocero d'a Cheneralidat de Catalunya

Francesc Homs, vocero d’a Cheneralidat de Catalunya

Encara no ye oficial, pero o vocero d’a Cheneralidat de Catalunya, Francesc Homs, ha dito hue que o gubierno catalán demandará diners a o fundo de rescate espanyols ta las deudas autonomicas, como ya anuncioron Valencia y Murcia.Homs ha prebau de esferenciar ista petición con un “rescate”, encara que o fundo estatal ye parau ta aduyar a las comunidatz, como la catalana, en que a situgación d’a deuda ye complicada. De feito, Catalunya ye a comunidat con más deuda, y os retalles d’o gubierno CiU no han puesto aturar ista situgación por a puyada d’os tipos d’intrés d’a deuda que han de pagar encara.

Antis d’Homs, o conseller d’economia catalán, Andreu Más Collell, heba admitiu en una entrevista en a BBC, que Catalunya no teneba atra opción que demandar istos diners a l’estau espanyol, porque “a Catalunya no li queda garra atro banco que l’estau”. Os dos consellers, han quiesto remarcar que iste rescate no suposa garra condición ta o gubierno catalán, fueras de pagar a deuda, pero seguntes amuestra Vilaweb, ixo podría no estar asinas, porque o gubierno espanyol quiere controlar as cuentas autonomicas a qui deixe diners d’o fundo de liquididat.

A deuda catalana ye de 42.000 millons d’euros, y ha de concarar agora o pago de más de 5.700 millons d’euros en ista segunda meitat de l’anyo. En conoixer-se a noticia s’ha planteyau tamién por parti d’as collas independentistas l’absurdo d’a situgación, porque seguntes ells, o deficita fiscal catalán respecto a l’estau espanyol (ye dicir, os diners que pagan os catalans y que no en tornan) ye de más de 15.000 millons d’euros a l’anyo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.