Catalunya vota por a suya soberanía

O referendum d'autodeterminación ye pactau por ERC y CiU ta fer-se en l'anyo 2014

Catalunya uella enta o futuro

Catalunya uella enta o futuro

O Parlament de Catalunya votó ahiere a declaración de soberanía pactada entre CiU, ERC y IC-V y que fa o mandato de que os catalans puedan exercer o dreito a decidir, en o contexto d’un referendum que habría de fer-se en l’anyo 2014. A declaración, (que entre d’atras luengas se puede leyer en aragonés en o diario dichital Vilaweb) contó con o refirme d’os tres partius sinyants, amás d’un diputau d’a CUP (os atros dos s’abstenioron ta expresar as suyas discrepancias con o texto en a mención a la Unión Europea y la no mención a os Països Catalans) y o voto en contra de PP, PSC y C’s. En total, 85 diputaus votoron a favor, 41 en contra y bi habió 2 abstencions.

O texto ha prevocau, en tot caso, una esferra en o PSC, ya que cinco d’os suyos diputaus no votoron ta mostrar o suyo refús a la posición d’a colla parlamentaria.

Os diputaus d’o PP, que votoron en contra d’o texto, salioron de l’hemiciclo antis de conoixer-se o risultau d’a votación. Tanto PP como C’s han trucau o ficacio en que a propuesta “ye fuera d’a legalidat” calificando de “no democratico” o feito que o pueblo de Catalunya pueda votar o suyo futuro.

Con a votación d’o Parlament, Catalunya prencipia o camín ta l’autodeterminación, ya que o texto fabla d’o país como socheto politico, churidico y soberano y reconoix o dreito d’os suyos ciudadans a decidir fendo servir “totz os marcos legals”, ubrindo asinas a puerta a fer o referendum dillá d’o marco d’a Constitución espanyola. Os puntos alazetals d’o texto son a soberanía, a lechitimidat democratica, a transparencia, o dialogo, a cohesión social, l’europeísmo, a legalidat o paper d’o Parlament y a participación.

Una rispuesta a Catalunya vota por a suya soberanía

  1. Dende ra capital d´Aragón o nustro personal refirme

    http://alternativa-independiente-zaragoza.blogspot.com.es

    Cal luitar per une República, bian que siga, catalana…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.