Cautela y satisfacción entre a gran mayoria d’os politicos por l’anuncio d’ETA

Buena noticia, cautela, altaria de miras y desixencia, as parolas mas repetidas por os politicos en tot l'estau

Zapatero leyendo a suya declaración

Zapatero leyendo a suya declaración

L’encara president d’o gubierno espanyol, José Luis Rodríguez Zapatero, ha dito que l’anuncio d’ETA suposa la victoria d’a democracia, d’a lei y d’a razón. Zapatero ha afirmau que “a nuestra será una democracia sin terrorismo, pero no sin memoria”.

Tamién ha saludau l’anuncio d’a banda o president d’o PP, Mariano Rajoy, encara que ha dau un trango más y ha dito, que, “encara que ye una buena noticia, a noticia será completa quan que ETA anuncie a suya disolución”.

O lehendakari vasco, Patxi López, que ye tornando de Nueva York, an que marchó ista semana, ha dito que plega l’hora de fer “un país en paz”. De buena noticia ha calificau l’anuncio o popular Antonio Basagoiti, mientres que dende Aralar s’ha anunciau que agora plega l’inte de caminar enta la independencia. O president d’o PNV, Iñigo Urkullu, ha dito que ye una magnifica noticia, y ha brindau o refirme d’o PNV  a la cucha abertzale ta fer o camin d’a paz y d’a concordia. Precisament, a cucha abertzale que ahiere demandaba a ETA iste trango, ferá un comunicau pero mientres un d’os suyos voceros fa uns anyos, Pernando Barrena, ha dito que ETA decide agora alcompanyar o que ya dició a cucha abertzale fa dos anyos.

Entre as asociacions de victimas, Gesto por la Paz ha dito que ye una buena noticia, mientres que l’AVT aseguraba que ye insuficient, como deciba tamién Rosa Díez u a presidenta madrilenya Esperanza Aguirre.

En o nuestro país, as Cortz aragonesas han feito un texto en que dicen que “ha triunfau a democracia”, mientres que o gubierno considera una buena noticia l’anuncio, a lo que habran d’alcompanyar bells trangos más. O PP aragonés creye que ye una buena noticia pero que cal desixir a entrega d’as armas y a disolución. Dende o PSOE, o portavoz Javier Sada, amostraba a suya alegría y feba un clamamiento a la chunidat d’os partius. En o PAR, Alfredo Boné, meteba l’accento en o triunfo d’os democratas y quereba fer votos d’asperanza por o futuro. Nieves Ibeas, presidenta de CHA, espresaba as suyas cautelas con una noticia que levaba muitos anyos “asperando fa decenios” y que ye una magnifica noticia. En IU  qualificaban d’inte historico lo feito y ha demandau a ETA que siga consecuent con o tiempo de cambeos, y a os partius ha reclamau altaria.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.