CCOO y UGT convocan vada cheneral o 14 de noviembre

Os dos sindicatos mayoritarios en l'Estau espanyol han decidiu de convocar vada cheneral en tot l'Estau t'o 14 de noviembre. Se ferá en a resta d'o continent una chornada de luita europea

Foto: CCOO

Finalment hue, o Comité Confederal d’UGT y o Consello Confederal de CCOO han dau por unanimidat o suyo visto bueno a la convocatoria de vada cheneral en tot l’Estau espanyol t’o venient 14 de noviembre, que coincidirá con atra vada cheneral en Portugal. En Grecia ya n’i habió unatra ahiere y podría convocar-se-ne atra t’o 14. En Italia, Chipre y Malta podría prener-se a mesma mida.

Os dos sindicatos mayoritarios en l’Estau espanyol se reunen hue con a Cumbre Social, en a que, amás d’os dos sindicatos, i son arredol de 150 sindicatos y organizacions socials que tamién aprebarán a convocatoria de vada. Os dos sindicatos consideran que “no nomás os achustaus puedan expresar o suyo refuse a las politicas antisocials y exichir cambeos”, que se convierta en “a vada d’os consumidors, ye decir, tamién d’o conchunto d’a ciudadanalla”.

En Europa, a Confederación Europea de Sindicatos (CES) clama a movilizar-se en una chornada d’acción europea, que consistirá, seguntes a CES en “vadas, manifestacions, marchas y atras accions organizadas de forma coordinada por os sindicatos nacionals de totz os Estaus miembros”.

Manimenos o primer en convocar vada cheneral dimpués d’o 29M estió o sindicato CGT, que ha convocau t’o 31 d’octubre y que por agora mantiene a convocatoria dica que se discuta o que se fa con a nueva de CCOO y UGT, previsiblement a semana venient.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.