Censuran a revista “Bretons” por publicar que o 18% d’os bretons son independentistas

A información ha causau gran polemica en Bretanya

Nota informando d'a censura (Foto: Jornalet)

Nota informando d’a censura (Foto: Jornalet)

O grupo Ouest-France, distribuyidor d’a revista t’o gran publico “Bretons” ha feito retornar totz os exemplars que bi heba en as botigas y supermercaus.

A revista Bretons encargó un sondeyo ta l’instituto IFOP. Seguntes os resultaus, publicaus en o numer de febrero, o 18% d’os bretons son favorables a la independencia de Bretanya, lo que yera publicau como titular en a primer pachina.

A revista tornará a apareixer o viernes con a portalada cambiada. O titular nuevo será “o 69% d’os bretons desconoixen a suya historia”.

Seguntes fuents citadas por Jornalet, periodico en luenga occitana, qualques periodistas bretons han sabiu que ye o mainate de Ouest-France, François – Regis Hutin, qui ha demandau expresament que se tornasen as revistas. Iste afer ha provocau tamién un gran escandalo entre os periodistas de Ouest-France.

A revista “Bretons” se puet trobar por un regular en todas as papelerías y supermercaus de Bretanya y a suya publicidat ye por tot.

Fuent: http://www.jornalet.com/nova/1356/an-censurada-la-revista-bretons-per-aver-publicat-que-18-dels-bretons-son-independentistas

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.