Centro de meyos

Por l’autochestión d’a información o 29M

Os meyos de comunicación convencionals d’Aragón mos ferán o diya 30 o suyo veredicto. Valurarán a vada seguntes as suyas zifras y a uellada tuerta d’a persona que se sabe esclava d’os intreses economicos d’un Consello d’Administración.

Por suerte, bi’n ha unatra traza d’informar-nos y de trencar o miedo. Ser parti d’os feitos, y informar d’a realidat como protagonistas d’as nuestras aiccions y luitas. A la fin, participar á ixena d’o proceso comunicativo.

Isto en feremos a traviés d’internet y d’a radio dende la nueit d’o 28 y entre que tot o diya 29. Pero tamién queremos trobar-nos en presona, veyer-nos as caras y vivir ista chornada de luita en primera linia. Por ixo, dende as 7 d’o maitín mos chuntaremos en a Plaza d’o Pilar de Zaragoza ta siguir tot o que pase en a capital y en tot o país.

Si quiers participar en o Centro de Medias, puetz dar-nos a tuya información en persona en a plaza d’o Pilar, trucar-nos por telefono a os tres numers que tendremos habilitaus, 668.821.341 (AraInfo), 668.894.062 (Arredol), 976.291.398 (Radio Topo) u si tiens twitter puetz fer servir o hashtag #Vada29M.

Porque dengún no mos contará millor o que femos que nusatrxs mesmxs

INFORMA – INFORMA-TE
#Vada29M

Mientres tot o diya esviellaremos conteniu en as nuestras webs (AraInfo, Arredol, El Ventano, 15M Comunicación, Diagonal Aragón y Guerrilla Visual), as radios libres zaragozanas (Radio Topo, Radio La Granja y Radio MAI) ferán una emisión especial y compartida.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.