CERAI organiza un curso sobre “desembolique rural sostenible”

O curso semipresencial durará ueito meses

cartelCERAI organiza o curso “Desembolique rural sostenible: d”a demba local ta l’anvista global“, que se ferá en Zaragoza, con una duración de bells ueito meses, dende octobre dica chunio. L’obchectivo, seguntes apunta CERAI, ye ufrir una formación interdisciplinaria que permita fer conoixer alternativas participativas de desembolique rural responsable y sostenible.

Ta CERAI, “a crisi actual y os qüestionamientos economicos y ecolochicos a la mesma, han tornau a replanteyar o papel d’o mundo rural como un espacio d’oportunidatz ta encetar nuevas solucions y nuevos retos de futuro, tanto en os países d’o Sur como en a nuestra rechión”. Por ista razón, planteyan un “reordenamiento humano territorial equilibrau, que integre as valos de participación y sostenibilidat, de igualdat y calidat de vida, de chusticia y creyatividat. O desembolique local ye un reto mundial t’asentar un nuevo futuro más chusto y solidario, d’a man d’un mayor compromís con as valors naturals y con os pueblos que habitan o medio rural.”

A formación penderá en clases presencials teorico practicas, dinamizadas con una anvista participativa, reforzadas a traviés de tutorías, treballo en campo no menau y a realización de diferents exercicios teorico practicos en a plataforma online Multiversidad. Tamién se adedicará un espacio de tiempo ta presentar iniciativas locals y enfortir o debat, podendo fer visitas a qualques experiencias. En estar un curso semipresencial será contino, alternando entre cabos de semana as clases presencials. Cada sesión tendrá a lo menos un cabo de semana presencial. Toda la información se puede consultar en a web de l’asociación.

 

Fuent: http://arainfo.org/2013/09/cerai-organiza-un-curso-sobre-desarrollo-rural-sostenible/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.