Cero de nueu

O Reyal Zaragoza remata una semana fatal perdiendo en Madrit contra l'Atletico

 O Reyal Zaragoza remata ista semana de pasión de noviembre con cero puntos de nueu. L’equipe, dimpués d’un esperanzador partiu contra la Reyal Sociedat, ha continau por una endrecera de mal chuego y piors risultaus, marcando nomás que un gol y recibindo 7, y ganando 0 puntos de nueu posibles.

En Madrid no estió esferent, encara que Aguirre prebó de poblar a esfensa con 8 chugadors por dezaga d’o balón. Pero Juarez continó estando Juárez, y Paredes, Paredes, asinas que por más que yeran más, as prestacions estiorons as mesmas. Menos de 20 minutos y l’Atletico, en crisis, ya heba feito un gol. Y antis de rematar a primera parti, unatro, calcau de dos d’os que recibió o Zaragoza en Pamplona.

O 3-0 plegó ya en a segunda parti, con a esfensa en un estau de desconcierto impropio quan ya yera de quatre, tornando a o sistema cutiano. Postiga en un corner fació o gol de la honor. Unico gol en tres partius y que no sirvió ta cosa.

Con ista derrota o Zaragoza caye dica o puesto 15, a un punto d’os puestos de baixada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.