Cesar Augusto continará cusirando a zona d’as murallas de Zaragoza

"Os Tramvías de Zaragoza' ferán una serie de remodelacions arredol d'as murallas ta dar mayor presencia t'a Ilesia de Sant Chuant d'os Panetz

Estatua de Cesar Augusto (Foto: Wikipedia)

Estatua de Cesar Augusto (Foto: Wikipedia)

A estatua de Cesar Augusto continará a on que ye agora, pero los arcos y a fuent d’a famosa rana d’o Mercau Central de Zaragoza disapareixerán d’o paisache urbano. Son as principals actuacions que ferá a sociedat “Os Tramvías de Zaragoza” en os arredols d’as murallas romanas. Una redolada que cambiará muitismo con a plegada d’o tramvía. T’o Concello de Zaragoza, ye una remodelación que enreligará “lo clasico y lo moderno”.

As obras las ferá a sociedat que chestiona lo tramvía, en una actuación que se desembolicará como “sincusa” por a tana que ha feito as obras d’a primer linia t’os ciudadans. Cuanto a la figura de Cesar Augusto, que fa tiempo estió “empadronada” por una asociación de vecins ta empachar que la sacasen, se moverá bells seis metros y se puyará más de metro y meyo respecto a l’altaria que tien agora o suyo pedestal.

Con istos apanyos, Juan Alberto Belloch, alcalde de Zaragoza, ha asegurau que a redolada será muito más pincha que no antis y permitirá fer encara más vistera a Ilesia de Sant Chuan d’os Panetz. “Da más brío, porte y elegancia”, ha dito Antonio Lorente, arquitecto d’o prochecto, sobre iste zaguer emplazamiento. Antimás, se meterá una placa en memoria d’as victimas de l’atentau d’ETA de 1987 y se instalará un sistema de lucetas que ferá encara más vistera a figura d’a ilesia, que nunca “inteferirá” en a imachen que pochecta o Pilar.

Coste zeroA diya de hue, seguntes Belloch, t’a obra no caldrá ir t’as arcas municipals. Os 700.000 euros que costarán los meterá de tot a sociedat “Os Tramvías de Zaragoza” y servirá ta fer más pincha una redolada que se entiende como “sulero” de turistas. Ta más enta debant, quan as cuentas municipals “permitan bell concieto”, o primer edil ha sinyalau que queda pendient a remodelación d’a Plaza d’o Pilar.

“Me fería goi de tener un prochecto consensuau ta quan bi haiga diners”, ha subrayau. Un prochecto t’o que “se mirará de trobar de nuevas o mayor consenso social y politico ya que se tracta d’una d’as redoladas más sensibles d’a ciudat”.

Fuent: http://www.aragon2.com/n-20456-2-Cesar_Augusto_seguira_vigilando_zona_murallas_Zaragoza

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.