CGT contra l’ERE sinyau en GM-Espanya por o comité d’interpresa

L'ERE no alterará os plans de produccións d'a planta d'a interpresa d'autos en Figueruelas

Protesta de CGT contra l'ERE en a GM (Foto: Diagonal)

Protesta de CGT contra l'ERE en a GM (Foto: Diagonal)

O sindicato CGT, con ripresentación en o Comité d’interpresa de GM-Espanya en Figueruelas, s’ha prenunciau en contra de l’ERE sinyau por a mayoría d’o Comité con a propia interpresa. O sindicato esfiende que as midas planteyadas en l’ERE no s’amenistan, y son desproporcionadas debant d’a situgación d’a planta. Dende CGT s’asegura que la interpresa no ha chustificau as midas, parando cuenta en que mientres tot lo prencipie d’o 2011 s’ha triballau 6 diyas d’a semana ta fer creixer a producción.

Debant d’a mida adoptada, CGT esfiende que habria d’adaptar-se o ritmo de producción y no obligar a os triballadors a adempribiar retalladas de puestos de triballo que nomás “s’emplegan ta aumentar os risultaus de negocio d’a interpresa”. Por ello, se manifestarán debant d’o Gubierno d’Aragón o diya 30 de setiembre, de maitins, ta presentar as alegacions contra o plan de retalladas y ERE sinyau por os atros sindicatos con ripresentación en o comité d’interpresa d’a planta de Figueruelas.


Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.