CGT culpa a las politicas en Educación de parti d’a puyada de l’ature

A politicas de achustes en Educación han feito que millars de interinos implan as oficinas de l'INAEM

Protesta de CGT

Protesta de CGT

O sendicato CGT leva meses denunciando as grieus conseqüencias que son tenendo en os datos de l’ature en Aragón as politicas de retalladas que encetó lo curso pasau a Consellería d’Educación. “Os datos de l’ature d’o mes de chuliol han reflexau de traza clara las conseqüencias d’istas politicas, y mesmo a D.Ch.A. ha habiu de reconoixer que a suya politica de retalladas y despius d’Educación ha teniu como conseqüencia a puyada de l’ature, estando Aragón l’unico territorio estatal a on que as cifras de l’ature son estadas negativas”, denuncian dende CGT.

T’a fin de chunio, entre 3000 y 4000 interinos han marchau t’as ringleras de l’ature. Ta CGT, isto suposa un cabidar en a economía d’a Consellería d’Educación, pero de vez puya as cifras de l’ature, con un coste no nomás economico sino tamién d’o desprestichio que suposa que nomás en Aragón puye a cifra d’aturaus.

Seguntes Enrike García, portavoz d’o sendicato, “as venients midas de retalladas propuestas y aprebadas por a Consellera Dolores Serrat suposarán una continación d’a mesma politica”. Meten como eixemplo l’aplicación d’as 21 horas lectivas en Secundaria en o IES Pablo Gargallo de Zaragoza, lo que ferá que bi haiga entre 5 y 6 docents menos en o centro, con a perda de calidat educativa que tendría.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.