CGT demanda sacar a relichión d’as escuelas y suprimir os conciertos educativos

Dolores Serrat demandó a o ministro Wert un blindache d'a relichión y refirmar a la privada concertada

Protesta contra as retalladas en Educación (Foto: Primo)

Protesta contra as retalladas en Educación (Foto: Primo)

O sindicato CGT ha considerau “increyible” que a Consellera d’Educación Dolores Serrat haiga demandau a o ministro espanyol d’Educación, Jose Ignacio Wert, que blindase l’amostranza de relichión y enamplase os conciertos educativos con a privada ta rans de Bachillerato. Más que más, debant d’as “graus retalladas en a publica” y de que “o chornal d’os profesors de relichión nos cuesta 7,3 millons d’euros por curso a tamás de que les achuste lo bispau”.

Seguntes o sindicato “Dolores Serrat no representa a la comunidat educativa d’Aragón que cada vegada más ye demandando a fin d’os privilechios d’a Concertada, ni representa a los sindicatos, representants d’os docents, ya que en varias Mesas Tecnicas y Sectorials l’hemos feito plegar as nuestras queixas por as enrestidas contra a Publica. CGT considera que Serrat no mereix estar en o cargo, en “manifestar una postura radicalment diferent a la que le reclama a Comunidat educativa” y torna a demandar a suya dimisión.

De feito, CGT creye que a unica traza racional d’empachar fer retalladas ye chusto lo contrario: sacar a relichión d’as aulas y suprimir os conciertos educativos. “Mantener a relichión ye un malfurrie inutil, cada vegada bi ha menos alumnalla”. Ya bi ha ilesias “t’adoctrinar a los ciudadans, no hemos de pagar con diners publicos a uns profesors que s’achustan a dido dende lo bispau”, declaran.

Cuanto a los conciertos educativos, o sindicato esfiende que “tanto o Rete publico como lo privau cumplen a ufierta y os requisitos d’elección de centros y d’elección de amostranza relichiosa que marca a lechislación, por lo que o mantenimiento d’un Rete pagau con diners publicos, como lo d’a Concertada, pero endrezada por a iniciativa privada ye un obchectivo politico d’o PP-PAR”. Remeran antimás, que os zaguers presupuestos dioron 138 millons d’euros ta chornals d’iste rete.

Una rispuesta a CGT demanda sacar a relichión d’as escuelas y suprimir os conciertos educativos

  1. Pingback: CGT demanda sacar a relichión d’as escuelas y suprimir os conciertos educativos | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.