CGT Ensinyanza convoca vaga de profesors en Aragón pa o 6 de mayo

Coincidirá con a celebración d'a nueva evaluación de 3º de Primaria que será os días 5, 6 y 7 de mayo. Marea Verda pide a os pais que no leven a os suyos fillos a realizar as prebas

Marea Verda Aragón refirma a convocatoria. Foto: CGT

Marea Verda Aragón refirma a convocatoria. Foto: CGT

Será a oncena vaga d’a ensinyanza aragonesa en a era Wert. O clamamiento se fa a docents no universitarios, y parte d’o Sindicato d’Ensinyanza de CGT Aragón, o segundo con mayor representación en Aragón (19,8%), solament por dezaga de CSI-F. A calendata trigada ye o proximo 6 de mayo.

O parón en as aulas, aseguran dende CGT, s’enmarca dentro d’as chornadas de luita contra a nueva evaluación individualizada de 3º de Primaria. Preba que tendrá puesto os días 5, 6 y 7 de mayo.

 Encara que a convocatoria parte solament de CGT, Marea Verda Aragón ye solicitando a os pais que no leven a os suyos fillos a realizar dita evaluación, y quantos sindicatos han convocau tamién vaga d’estudiants en ensinyanzas meyas.

L’obchectivo, sinyalan, ye empachar que os examens “de diagnostico” se desenrollen en un ambient normalizau. Bi ha muitas razons pedagochicas y socioeducativas pa boicotiar istas prebas, afirman dende o sindicato, “pero a mas important ye que l’Administración quiere fer-las pa realizar un ranking de centros a partir d’os resultaus. Iste ye o suyo modelo de sociedat y o suyo modelo d’educación: competitividat, desigualdat, discriminación…”.

Fuent: http://www.eldiario.es/aragon/politica/CGT-Ensenanza-convoca-huelga-profesores_0_380762228.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.