CHA crei que enamplar as pistas de Sarllé ye un ‘atentau ecolochico’

O gubierno quier enamplar as pistas d'esquí por a Val de Castasena

20 agosto, 2012 | Meyo Ambient, Ribagorza | Autor: Arredol | Tweet

Jose Luis Soro, president de CHA (Foto: CHA Zaragoza)

L’anuncio feito por o Gubierno d’Aragón de que s’iban a prencipiar antis con antis as obras ta enamplar as pistas d’esquí de Sarllé ha feito reaccionar a Chunta Aragonesista qui, en rueda de prensa, ha denunciau «l’atentau ecolochico» y o «suicidio economico» que suposaría ista obra.Iste partiu ha remerau a suya posición en contra d’enamplar as pistas d’esquí por a Val de Castanesa y acusan a o gubierno de continar apostando por un «modelo especulativo y basau en o ladrillo que no ha levau enta do que somo agora». Antimás creyen incongruent que a D.Ch.A. «presuma de compromis con o meyo ambient entre que planeya estricallar una val virchen d’o Pirineu».

A formación politica creyen que enamplar as pistas nomás ye una excusa ta «desembolicar un prochecto que planteya costruyir 4.000 viviendas de segunda residencia en una val de gran valor meyoambiental a on que agora viven bell poco más de 150 personas».  Dende l’anvista economica, Jose Luis Soro y Nieves Ibeas critican que s’enceten istos «prochecto inviables» de man de una interpresa publica (Aramón) con 89 millons d’euros de deuda entre que «se le desiche a os ciudadans sacrificios terne que terne y se le retallan dreitos con a excusa de que no bi ha diners».