CHA critica l’encerrinamiento ta construyir l’entibo de l’Alcherez

Critican a reunión entre a CHE y a Diputación de Castellón

Muro humano en Auguaviva. Foto: AraInfo

Muro humano en Auguaviva. Foto: AraInfo

CHA critica que tanto a CHE como a Diputación de Castellón “cotinen encerrinaus en construyir un entibo en l’Alcherez, metendo agora como excusa abasteixer d’augua a localidatz de Castellón”

Ta Adolfo Villanueva, secretario territorial de CHA en as comarcas teruelanas, “ye penible que continen mirando excusas ta fer unas obras que tienen un gran refús social“. CHA remera que “Castellón fixa, en o Plan de Cuenca de l’Ebro, una reseva d’augua de 10 hectometros cubicos, que se travasará a traviés de l’Alcherez y que conta con una inversión prevista de 22,5 millons d’euros”.

“A reunión entre Xavier de Pedro y Javier Moliner ye una enrestida más a las poblacions d’o Baixo Aragón, tamién a las localidatz de Castellón que se concaran con o prochecto”, diz Villanueva.

Ta Villanueva “continan mirando excusas ta chustificar un prochecto que fa auguas” y recomienda “más intrés en amillorar l’entibo de Calanda ta guarenciar a seguridat d’os municipios”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.