CHA critica que o PP “s’encerrine con o trasvase” dimpués d’as parolas de Cañete

O ministro espanyol de meyo ambient no descarta trasvases en o venient PHN que anuncia ta 2014

Miguel Arias Cañete (Foto: Wikipedia)

Miguel Arias Cañete (Foto: Wikipedia)

L’anuncio de Miguel Arias Cañete, ministro espanyol de Meyo Ambient, d’un nuevo “Plan Hidrolochico Nacional” espanyol, a on que no se descartan trasvases entre ríos ni entre cuencas, no han tardau mica en tener respuestas dende Aragón. Dende Chunta Aragonesista (CHA) remeran que o modelo de trasvases ye “obsoleto y absurdo” y que “hipotecaría o desembolique d’Aragón”. Demanda, antimás, que se conte con os prencipios d’a Nueva Cultura de l’Augua en planificar-se o modelo estatal”.

Ta iste partiu “o PP ye encerrinau en planteyar trasvases” aintro d’os PHN, como ya fació en a lechislatura 2000-2004 a on que se’n planteyaba uno dende l’Ebro t’a redoladas d’a costa mediterrania, más que más en o País Valenciano y Murcia. Seguntes Chuaquín Bernal, Secretario d’Organización de CHA o mensache ye o mesmo que en l’anterior PHN “pero en un contexto social, economico y de pensamiento de tot diferent” y remera que se i charra “dreitament de privatización d’as obras y, a la fin, d’un recursos tan important como l’augua.

Cuanto a la D.Ch.A., Chunta creye que “no se puede asperar mica esfensa d’o Gubierno d’Aragón”, porque “PP y PAR son achenullaus debant d’as ordens de Madrit, asinas que poca oposicion real, fueras d’as parolas vuedas, podremos asperar”, diz Bernal.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.