CHA demanda a la DChA que intermeye ta conseguir os edificios vuedos de Adif

O partiu crei que, si no se fa qualcosa, os edificios no se ferán servir. Refusan a ideya de vender-los y urchen a los responsables d'Aragón a fer un poder ta empachar-lo

Gregorio Briz (Foto: Chunta Aragonesista)

Gregorio Briz (Foto: Chunta Aragonesista)

A traviés d’una iniciativa parlamentaria, Chunta Aragonesista ha demandau de traza formal a lo Gubierno d’Aragón que intermeye ta facilitar o reemplego de más d’un ciento de edificios vuedos que l’Administrador d’Infraestructuras Ferroviarias (Adif) tien en decenas de lugars aragoneses. Como ha confirmau o Ministerio de Fomento a una pregunta feita por “A Cucha d’Aragón” en o Congreso d’os Diputaus, Adif tien a posibilidat de sinyar convenios ta ceder os edifcios en lugars como Baguena, Binefar, Lecinacorba, Uesca, Villanueva de Galligo u en o Matarranya.Gregorio Briz, diputau de CHA en as Cortes d’Aragón, lo tien esclatero: “antis que no se malmetan u s’espalden cal estudiar si pueden fer honra ta qualcosa”. Por ixo, creyen que o primer movimiento lo ha de fer o Gubierno d’Aragón informando a los municipios y a las Comarcas intresadas sobre ista posibilidat. Antimás, entienden que a mesma DChA ha d’actuar siempre intermeyando-ie.

Dende CHA remeran que a cesión se fació fa anyadas pero avisa que en as zaguers respuestas en o Congreso ya se i charrar de logar u vender-ne “bella cosa que nos i oposamos ya que se ye charrando de fer servir qualcosa que ni s’emplega ni pareix que se ferá y que, si no se fa ni ripio, rematará fendo-se enrona”, ha confirmau Briz.

 

Fuent: http://www.aragon2.com/n-20071-2-CHA_solicita_a_la_DGA_que_intermedia_para_conseguir_los_edificios_vacios_de_Adif?utm_source=feedburner&utm_medium=feed&utm_campaign=Feed%3A+Aragon2UltimasNoticias+%28Arag%C3%B3n2.com%29

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.