CHA demanda alternativas a o carbón ta protecher a vida en as comarcas

A retallada d'aduyas t'o sector ye una mala noticia ta iste partiu que considera que, antimás, "no se conta con garra plan alternativo t'a reconversión economica d'a redolada".

Central Termica d'Andorra (Foto: Ecologistas en Acción)

Central Termica d’Andorra (Foto: Ecologistas en Acción)

CHA ha calificau de “inadmisible” o esbruixallo d’o Plan d’o Carbón presentau por o Ministerio de Industria ista semana. Marco Negredo, responsable d’economía d’ixe partiu, considera que “ye en chuego o esdevenider d’as comarcas mineras d’Aragón porque ista retallada no leva chunta garra mena de plan de reconversión economica y deixa a lo sector d’o carbón penchando d’un filo quan habría de guaranciar-se una reserva estratechica dillá d’o 2018″.

Negredo, qui ye andorano, considera que “o esdevenider d’os nuestros lugars pende d’o funcionamiento d’o sector y d’as aduyas d’o gubierno. Con a propuesta d’o Ministerio no podremos que zarrar os lugars”. Ta ell, “no se puede vivir con a incertidumbre, por lo que demanda “un plan alternativo d’aduyas t’a reconversión economica d’as comarcas” a on que “se desembolique o sector d’as enerchías renovables y alternativas ta creyar enerchía y treballo”.

Dende CHA han demandau que “o Ministerio d’Industria se creiga las posibilidatz d’os sectors verdes” y sinyalan tamién a lo gubierno aragonés, qui “tien muito a dicir en iste afer, y muito que barallar porque habría d’esfender os intreses d’os aragoneses en cuenta de esfender siempre a lo PP”.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.