CHA demanda en o concello de Monzón no aplicar a reforma laboral

S'ha presentau una proposa de resolución ta que o concello refuse a reforma laboral d'o consello de ministros espanyol

Joaquín Palacín, portavoz de CHA (Foto: Chunta Aragonesista)

Joaquín Palacín, portavoz de CHA (Foto: Chunta Aragonesista)

Joaquín Palacín, o portavoz de Chunta Aragonesista en o Concello de Monzón, ha presentau hue una proposa de resolución ta refusar a reforma laboral aprebada por o consello de ministros o pasau 10 de febrer. Tamién i demandan que no s’apliquen as nuevas midas a los treballadors d’o concello.

Seguntes ista formación a reforma ye ‘inchusta con os treballadors’ y ‘facilitará y abaratará forachitar-les retallando os suyos dreitos colectivos’. Tamién afirman que suposará una perda de calidat en os servicios publicos fendo más facil o despiu de treballadors de l’admnistración en poder-se aplicar as mesmas causas de despiu que en a interpresa privada.

Por ixo, demandan que o concello no aplique a reforma a los suyos treballadors ni a los de garra entidat u organismo municipal y solicitan que a institución se comprometa a ‘no fer servir os servicios de achencias de colocación privadas ni d’interpresas de treballo temporal en as suya actividatz’.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.